వట్టికోట ఆళ్వారుస్వామి అతని కలం వజ్రాయుధం…అతనిది న్యాయపథం….అబద్ధాసురుని పాలిట తల్వార్ ఆళ్వార్….ఆనంద రమణికి షల్వార్ ఆళ్వార్….ఇవి దాశరధి రాసిన అగ్నిధార కవితా సంకలనంలో ఆళ్వారుకు అనే కవితలోని పంక్తులు. కవిత రాయటమే కాదు…తెలంగాణా ప్రజాసాహిత్యానికీ, ఉద్యమానికి ఊపిరిపోసిన యోధుడు వట్టికోట ఆళ్వారుస్వామికి దాశరధి తన అగ్నిధారను అంకితం చేశారు. 1915 నవంబరు ఒకటిన నల్లొండ జిల్లా నకిరేకల్ సమీపంలోని మాచవరం గ్రామంలో ఆయన జన్మించారు. చిన్నతనంలోనే తండ్రి మరణించటంతో సీతారామారావు అనే ఉపాధ్యాయుడికి వండి పెడుతూ విద్యాభ్యాసం [...]
